前文提要：
「留刀或留命。」座頭市說，
我第一次體會到萬人包圍嘅孤獨係咩一回事，
「曲仔！唔好打呀落返黎！」女演員大叫，
「刀郎，武士係呢一刻應該點做？」我問，
「作為朋友，我唔想話你知。」刀郎老實地說，
朋友呢兩個字實在夠重，亦都係提醒我而家唔係逞英雄嘅時候，
能夠同一把刀做朋友實在係一生人一次嘅奇遇，
於是我落左個一生人最好只做一次嘅反常決定，
「人在刀在！有本事過黎攞！」我答座頭市，
「刀郎，唔打唔得啦而家！」我同刀郎講，
「好，咁我地就打佢老母臭！」刀郎呢句廣東話特別熟，
「如果我贏左，」我斜眼望向女演員，「可唔可以陪我睇戲食飯？」
呢個時候，我需要一Ｄ原始嘅動力，
女演員知道講乜都冇用，用力地點左下頭，
「Hi 你！！！！」我用力一喝，雙眼尤如噴火，
「哼！」座頭市踏步，劍刺刀劈，
我雙手握刀，快速地劃了個圓，
錚！噹！
我勉強擋開，但已被震退幾步，虎口更是生痛，
「呢條友好大力，唔好硬拚！」刀郎提示，
我跟隨佢控制嘅發力方向，靈活地係場中左右跳動，
以下落黎，我就要施展另一招刀郎嘅絕技。


於刀郎只識其招不識其名，我同佢研究個時就幫堆招作左一堆名，
而呢一招，因為其左跳右跳令我諗起單線結他嘅激昂節奏，
我幫佢改左名叫－活著VIVA，
「活著VIVA！！」我大嗌招名，人影突然由左至右順序揮出５刀，
座頭市嚇一嚇，淨係擋到前四刀，最後一刀俾我斬中佢左邊膊頭，
我見得手，即刻彈下彈下咁跳開，
呢個座頭市力量驚人，不過速度並非太快，
座頭市有d燥底，突然將刀同劍交換手拎，
「吼！」
刀使劍技，劍如刀動！？
一時之間被擾亂嘅我疲於閃避，更唔好話反擊嘞，
呢條友用嘅武器肯定係刀郎嘅級數，因為我感覺到刀劍上面一股異樣嘅殺氣，
「破岩斬！」我唔可以俾佢咁壓住我打，
向頭頂嘅一招直劈未似預期般迫座頭市變招，只係令到佢分出左手擋格，
此時，空出黎嘅右手刺出，
「呀！！」

座頭市一劍刺穿我左臂，透心劇痛令我忍唔住慘叫一聲，
我錯啦，呢一刻我先知道自己幾咁天真，
可能之前對手太弱雞，令我產生一種可以做武士嘅錯覺，
真正能夠帶死亡威脅俾我嘅對手就係面前，我先明白自己只係一個ff嘅毒向左走向右走。
我冷汗直冒，戰意大減九成，座頭市一步步向我行黎，
「冷靜D！」刀郎都感覺到我淆底，
我無辦法雙手握刀，刀郎用唔到佢嘅絕招，
就係呢個時候，一個和尚跳左上台，
「夠啦，勝負已分！」和尚手執長木棍，
座頭市唔出聲，突然舉刀就劈，
和尚仿似早就預料到，長棍手中一轉，橫裡打向對方嘅刀背，
兩人渾身一震退開，座頭市下手毫不留情，和尚不禁怒睥對方，
另外兩個人亦跳上擂台，相信就係出左線嘅選手，
「應該把擂台還給我們了吧。」長髮及肩、手握長劍嘅男人話，
仲有個成兩米高嘅龐然大漢粒聲唔出，但已經企定座頭市身後準備隨時開拖，
「仲有我奔雷手文泰來！」連裁判都跳埋上黎，
座頭市冷哼一聲，收返武器，
「不把刀交出來，你會後悔。」佢講完之後就落台走左。

我坐係白車入面，面無血色地發呆，
頭先女演員唔知同我講乜，我咩都聽唔入耳，
明明好向左走向右走型咁約人去街，而家Seven到係萬人面前俾幾個對手救返仲要幫我call埋白車，
「刀兄，我真係好無向左走向右走用。」
「唔，如果係古代我諗你要切兩次腹。」
「..........」
「不過係呢個年代，算係咁嘞，不過女就溝唔到架啦。」
「Hi，你真係好識安慰人。」
救護人員行埋黎望望我，
「check check有冇腦震盪。」佢擰轉同另一個救護人員講，
唔使講，場比賽我失去左資格，亦冇左揚名立萬嘅機會，
仲要背負隨時被呀刀劍雙絕隊冧嘅機會，
「朋友，你不如交我俾佢吧啦。」刀郎說，
我沉默，老實講我唔係無諗過，
問題係如果我放棄刀郎，呢個決定實在老正得不能再老正，
咁我係咪做返普通人，一個默默返工嘅好樣？
同埋咩都唔知，我條氣會順咩？
我已經受夠俾呢個社會擺佈，而家冇啦啦仲捲我入呢單野，一個唔該就捅我兩刀，
雖然我可能唔夠班做一個武士，但唔代表我咩都做唔到！

人地話毒向左走向右走切忌有自信，其實毒向左走向右走更忌太堅持，同埋要面，
臂傷冇掂到骨，我係醫院休息個兩日就不斷諗緊我嘅還拖大計，
和尚走黎探我，聽講佢蠃左個比賽，
「你的眼神告訴我你不打算罷休。」佢話，
我冇直接答佢，
「我帶你去見一個朋友。」佢話，
我跟左佢走，佢帶我去香港一個唔起眼嘅廟。
「這個是我朋友。」佢向一個和尚介紹，
我一望，渾身為之一震，
「徐錦江？！」
「好多施主都咁講過，不過我唔係徐錦江。」
Hi Hi，個和尚同徐錦江有九成似，真係成個淫僧咁好樣，
「微塵師兄向我提過你把刀，唔知可唔可以借黎研究下？」徐錦江微笑話，
原來好好打個個叫微塵，
呀徐錦江攞左部iPad出黎，show幾張圖片俾我睇，
上面係幾幅日本武士嘅畫像，畫像嘅武士攞住把刀同刀郎非常相似，
「呢幅畫畫嘅係日本古代名人，織田信長。」
吓？！

「刀郎你曾經係織田信長把刀？！」我唔理得微塵同徐錦江係度，直接向刀郎求證，
「係。」刀郎hea答到好似個問題好無聊咁，
喂打機我就見得多啫呢個名，我冇諗過小弟有一日會同信長扯上關係囉！
唔爭在加埋武藏、黃飛鴻之類呀笨！
「果然，施主你把刀就係傳說中被封印左嘅魔刀。」徐錦江目光如鉅，而且絲毫無理會我嘅自言自語，
我望下徐錦江再望下刀郎，就算呢個故事發生係港產片都未免太勁了，
於是，我將淘寶買刀嘅經過講俾佢地知，
「嘩，你呢個經歷同撞8隻鬼有得fight喎！」徐錦江誇張地說，
「呃......咁大師我應該點呢？」我唔係太明佢個比喻，
「先講把刀，呢把魔刀已經消失左好多年，佢嘅出現同埋班神秘殺手令我諗起一件事。」徐錦江講完之後望一望微塵，
微塵點頭，轉向我吸左啖氣，
「其實咱們少林寺也被拿走了一支古傳羅漢棍。」微塵說，
失物認領俱樂部呀，我心諗，
「拿的是一個很有勢力的組織，據說他們收集了許多古代名器，是要用現代技術把兵器量產，重現上古中國武術神話，重振中國聲威。」微塵續說，
又係大陸組織，又係超英趕美，所以你話小農變暴發戶幾麻煩，
「咁關刀郎咩事？日本刀政治不正確喎。」我話，
「我估，你把非比尋常嘅刀吸引佢地注意，所以佢地要揾人試下把刀，試完就會回收返。」徐錦江認真地分析，
我Hi，即係班Hi Hi見刀郎之前d宿主死哂，於是揾我做替死鬼，仲要收我120蚊！
Hi Auntie非常蚹蛤蟈蜻。

「你可能奇怪點解我會咁清楚把刀歷史。」徐錦江講完示意我跟佢行，
一個窄小嘅儲藏室度放左好多雜物，徐錦江揾左個錦盒出黎，
我認得個錦盒，同刀郎個個一模一樣！
「呢把係當年個僧人封印左把刀後，用同樣物料仿製出黎嘅。」徐錦江說，「而個僧人本身係中國人，佢返黎時帶埋呢把刀，輾轉成為我呢度每代嘅傳承寶刀。」
「真係一樣樣喎！喂？有冇人呀親？」我對住把仿刀講，
「Hi我唔鍾意呢把刀，可唔可以劈爛佢。」刀郎話，
又岩嘅，俾你有個仿製版嘅自己都唔聚財啦！
然後，我突然靈機一動，諗到最好嘅反客為主方法。

Hi 你...可唔可以寫得我英偉D

為救家人同捍衛自己形象 捨生死於度外
邊個話你唔夠英偉 我唔信!

呀錦江大師係我臨走前同我講，話刀郎之所以係一把魔刀，
係因為過去咁耐嘅擁有者只嘗試用佢做殺戮嘅工具，因此刀上嘅戾氣好重，
佢話，叫我千祈唔好用仇恨黎使用佢，否則我會喪失自我，
但經過我同佢相處咁耐，我發現刀郎本性其唔係差（同埋都幾勁），
亦都係因為咁，我由一開始只係諗住賣甩佢，到而家真心想幫刀郎脫離呢個俾人利用嘅命運。
係我準備期間，女演員仲有搵我，睇黎佢都幾擔心我，
我冇將我嘅計畫講佢知，淨係同佢講我將會了結件事，
「不如搵人幫手啦，你咁樣真係會出事！」佢係電話上認真地講，
「記唔記得我之前同你講嘅約定？」我問佢，
「梗係記得啦......」女演員答，
「等我解決左件事，約定依然有效？」
「傻架而家唔係拍緊武俠片呀，點解唔報警？！」
面對呢Ｄ咁破壞劇情嘅現實向左走向右走，我都唔知講咩好，
呢一通電話，我地不歡而散，女演員唔出聲收左線，
有d野真係好難解釋俾佢聽，我情願當佢係我放膽一搏嘅另一個原因，
我，已經準備好，接住落黎就係等待......

座頭市黎搵我只係時間問題，所以呢幾日去邊都會攞住個結他盒，
香港人真係好現實，自從我輸左個比賽後，全部人都對我don't give a shit，
最多都係有d人講句「佢咪係上擂台俾人打巢個個囉！」
「我始終唔贊成你咁做，太危險啦！」刀郎話，
「刀兄，呢個係唯一一個可行嘅辦法，你都好清楚呀。」我答，
「唉，點解，咁多年黎，人類總是犯重覆嘅錯。」刀郎突然好似老人家咁有感而發，
「因為每個人都只係活一次，而且多數都唔讀歷史。」我笑說，
「你係我遇過最善良嘅人，可能時代真係變左，不過有d野唔會變。」刀郎冇講落去，不過我明白佢想講乜，
有好多野只要試一次就夠，但好多事情，一生人可能只可以試一次。
「你感唔感覺到？」刀郎問，
「嗯，成十分鐘啦。」我答，
然後我轉入後巷，最後嘅時刻終於來臨。

我肯定呢位巴打冇女

情人節真係好少人....
你班Hi Hi我就今晚打哂d文佢

我係後巷企定，轉身望向跟入黎嘅座頭市，
「今日我要你試下我真正嘅實力。」我係結他盒入面攞出刀，
「嘿，愚蠢。」座頭市好整以暇地拔出刀劍，
咁講可能好gay，但我握住刀郎個柄時感覺到一陣暖意，
座頭市慢慢向我步近，每一步殺氣便大多一倍，
後頸汗毛直豎，呢個係身體本能地發出嘅警號，
只要跨出一步，我就踏入左生死連接嘅境界，
我左腳踏出，右手緊握，
親！
「叱！」
居合斬！

噹！
座頭市瞳孔一縮，感受到我手上傳黎前所未有嘅壓迫，
「哼！」座頭市雙手同時擋格，身體紋風不動，
我快速抽起刀，座頭市雙手立時一鬆，
然後我雙手握刀，垂直再劈下，
「咕！」身體來不及反應我閃電般嘅反擊，座頭市喉嚨發出一記悶響，
「Hi！」「Hi！」「Hi！！！」
我每一個Hi字就劈一刀，誓言打散座頭市固若金湯嘅防禦，
動了！座頭市退後一步！
刀郎無估計錯，座頭市雖然招式非常精妙，
但只要堅持攻擊令佢施唔出刀劍絕技，防多必失，
好似踢波一樣，攻擊就係最好嘅防禦！

「係時候啦！」刀郎提示，
「登！」我快速衝前一步，
「龍！」刀劈下，
「刀！」
「.......嗚！」座頭市慘哼一聲倒跌幾步，口角血絲滲出，
我站穩回兩口氣，然後再持刀衝上去，
古有語云，一鼓作氣，再而衰，繼而竭，
我要係一口氣內打低佢！
但未等我衝到佢面前，座頭市突然刀劍同時向我刺出，
令我不得不側身避開，然後座頭市彈起身，
左手劍不停迴轉，右手刀遙指我，
Hi Hi，條友比我想像更硬淨，
「找死！」座頭市一記低喝，
轉動嘅劍化成漫天劍影，我只感到眼花瞭亂，同時全身都被籠罩係劍網之內，
我吃力地擋招，一時之間碰撞聲不絕，
劍招頓然消失，就似空氣被一下子抽光般怪異，
未等我慶幸手上壓力已去，另一股更強的氣勁襲體而至，
是刀！
轟！
兩刀雙擊發出不似是金屬的爆炸聲，
我雙腳不穩，失控地在地上滾了幾個圈，
「哇！」我忍不住吐出一大口血，
對手的招式、勁道比上次更見淩厲，只是兩招已教我不太吃得消，
「小心！」刀郎示警。

座頭市沒打算讓我回氣，我如滾地葫蘆般避過奪命的幾劍，
刀光一閃，下一秒我便會被斬下頭顱，
「吔！！」我反手一刀，出盡吃奶的力保住頸上的腦袋，
也顧不得好看不好看了，我抄起地上的破啤酒樽便向座頭市擲去，
乘他撥開酒樽之時，我馬上站起身一刀向他懷裡刺去，
錚！
座頭市以刀劍同時撞向刀郎，我頓時失去重心，
完了！大概座頭市也是這樣想吧，
然後，刀郎驅使我半卧地上，橫身一刀斬向座頭市雙腳，
座頭市雙目驚愕之色一閃，慌忙地跳高避開，
我左手奮力一拍地面，大腿肌肉急速膨脹，
「一刀絕空！」跳高嘅座頭市無從閃避，我由下而上反手一刀劈出，
對手果然可怕，如此困境仍能用劍向下橫擋，
一記悶響，座頭市撞落後巷牆上，
我一點歡喜之意都沒有，轉身拿起結他盒就跑，
不過，一轉角，巷末無情地豎立了高不可攀的雜物堆，
無路可逃！

座頭市追過來，看見我絕望的神色後冷笑了兩聲，
我拋低結他盒，長嘆一口氣轉身面對他，
沒有甚麼好說了，我能靠的只有手上的刀，
是時候，是時候使用我辛苦練習的保命招式。
「天.........！」我快速轉動手上的刀，四周狂風大作，
座頭市察覺到不對勁，一劍向我刺來，
「...........外........」刀越揮越快，此時座頭市只在數呎之內，
「.........飛...............仙.......！！！」
後巷異光大作，寒風澟澟如像三號風球，
「嗚呀.....！」座頭市被巨力一撞，人如斷線飛筝震開，
「咕.....！」我被反震力所傷，亦像被車撞中般陷進巷末的雜物堆，
這一招，可說是全身勁力的集合，
如果仍沒用的話，恐怕我也沒力氣再抵抗下去了...........

又話尋晚完

以淚洗面訓著左

「...好......好招....」座頭市臉色慘白，雙腿好不容易撐起整個人的體重，
他以兵器作拐杖，掙扎著一步步向我走來，
我不禁大驚，因為我實在已沒有任何力氣再爬起來了，
想不到這對手如此耐打，而且意志力亦不是一般的強，
眼見他越走越近，我竟然甚麼都做不了，
「郁...呀.........！！」我咬緊牙關，心中大叫，
「死...！」座頭市用盡身體僅餘的力量，在我頭上舉起刀，
「呀！！！！！」我憑死亡的威脅，奮力振起身體的潛力，
一刀劈下，一刀迎上！
啪！！
異響突起，我同座頭市目瞪口呆地望住對方，
我同佢打生打死，一個為嘅係保護把刀，另一個為左搶走把刀，
但就係刀鋒相交嘅一剎那，故事嘅主角－刀，竟然清脆地斷開！

我愣住，茫然地望各手中僅餘一半嘅斷刀，
「刀.....刀郎.....？」我問，
無任何回應，
座頭市望向我，亦都係一副不能置信嘅表情，
「What...the......？！」佢竟然爆左句英文，
我無理佢，只係顫抖地捧住手上嘅刀，
「刀郎....應下我啦刀郎.....」
「刀郎...........」
「刀郎.......！！！！！！！！」
座頭市退後兩步，收起手上把刀，
「嘿嘿，嘿哈哈哈哈....！！」佢可能覺得好好笑，
然後佢笑意消失，舉劍對住我，
我已經失去反抗嘅力量同動力，甚至好似對把劍視若無睹，
「再見。」佢冷冷地講，然後準備斬落黎，
一陣破風聲自身後傳黎，座頭市把刀冇斬落黎，
而係哐噹一聲跌左落地下，
只見微塵手執長棍，不怒自威地望住座頭市，
座頭市右手吃痛，毫不相讓地回望微塵，
佢打量下微塵，再望望把刀，
「哼。」佢執返自己把刀，頭也不回咁走左，
微塵無阻擋佢嘅意思，只係行過黎扶起我，
「有沒有事？」佢問，
「我.....沒有事.......」我答，然後指住斷刀，
一切都完了。

第二次入醫院，幸好呢次無上次咁重傷，
女演員走黎探我，佢應該係片場直接趕過黎，連妝都未落哂，
佢望住我粒聲唔出，然後輕嘆一口氣，
「傻仔....」
我望返住佢，腦入面只得一個念頭，
而家件事暫告一段落，我終於有時間，
一定要盡快搵到究竟女演員叫咩名。
「你鍾唔鍾意睇笑片？」我扯開話題，
「............唔想出街呀....」
「..吓....哦.......咁冇野囉..」
「你乖乖地休息啦，」女演員半帶責怪半帶嗔怒地話，
「要睇戲食飯，等你好返再講啦。」佢講完之後擰轉面唔俾我睇到佢表情，
我忍唔住笑出黎，但扯到我傷口又痛到我流左兩滴眼淚。

女演員走左之後，微塵都過左黎，
「施主，想不到事情真的了結了。」佢向我眨眨眼，
「你是我見過最有勇氣的普通人。」佢誠懇地說，但唔需要強調普通人三隻字嘅....
「了咩結呀............而家我工又冇，朵又冇埋，打回原形啫.......」我長嘆一口氣，
係香港，如果你做個樣野搵唔到錢，個樣野就叫無能，
所以我好肯定而家自己係個無能用嘅人，
佢攞左個新嘅結他盒出黎，
「你舊的那個破了，這個一點小心意。」微塵遞個盒俾我，
我心中一動，打開結他盒，入面係一支全新嘅木結他，
「真係結他黎架？」我問，
「那當然。」
「Hi，我都唔識彈結他！」我攞起支結他，無奈地答，
微塵望一望窗外，
「好像要下雨了，這把傘留給你吧。」講完佢就放低一把遮，轉身走左，
「唔係掛，雲都冇舊喎！」我話，但微塵冇理我，
我伸手拎起把遮，哈，原來係一把武士遮，
「點呀死得未呀！」一把熟悉嘅聲音係我腦際響起。

我拔出刀柄，忍唔住哈哈大笑，
原來微塵幫刀郎整左個遮型嘅刀鞘，
「未死得呀刀兄！」
「好彩我指導有方，你個招練得都有六七成火侯，如果唔係你賣硬咸鴨蛋啦！」刀郎把聲相當高興，
「痴線，根本就係我交戲交得足！」我笑說，
誠如大家所估，我用盡九牛二虎之力遊說微塵同徐錦江大師，
叫佢地將把仿刀交俾我，等我實行呢個偷天換日大計，
大師本住救人一命嘅精神，終於肯答應俾把刀我，
不過條件係，無論成功與否，佢地都會攞走真正個把刀郎。
我嘅計畫好簡單，就係通過前半場真正嘅生死決鬥，
鋪排下半場換走結他盒入面把假刀，然後黎個玉石俱焚嘅橋段，
結果大家都好清楚，座頭市俾我劈到暈暈地，加上微塵亂入，
倉卒間佢唯有相信把刀已經爛左，
當然，我同佢地都相信個組織唔會咁輕易放過我，
佢地一定會搵人監視，確保把刀真係爛刀左，
不過，仿刀物料同真刀100%一樣，
同埋把刀又俾大師佢地攞走埋，
去到最後個組織始終要接受現實。

原本，徐錦江大師諗住接收刀郎，然後重新封印佢，
不過好似TVB入面咁做，佢發現把刀本性善良於是決定放生佢，
刀郎戲劇性地同我重新相聚，一人一刀再會確係盡在不言中，
「刀兄，黎緊我要搵工啦，恐怕都好難有機會搵人同你隻揪。」
「關於呢件事，微塵和尚話有份好工要介紹俾你喎！正職、需要打交同埋大膽。」
「咁得意？！做咩架？」
「聽講係咩偵探所！」
呢個時候，電視響起八點鐘處境劇嘅主題曲，
我先係若有所思，然後渾身一震，
「咩事？急尿？」
「唔係！我終於醒起女演員叫咩名！！」

<<完>>

<<未完>>
以下仲有外傳 請留名觀看

首先嘅係
淘寶刀郎之見工記

－見工記

今日，係我約定見工嘅日子，
呢份工係微塵大師介紹嘅，好奇怪，大師特登提我著返便服同帶埋刀郎，
小喇叭，香港究竟幾時有Ｄ咁嘅工？Interview要帶埋把刀？！
除左Cosplay同黑社會，我實在諗唔到有咩其他可能性，
刀郎傳口信傳得唔清唔楚，話間公司叫咩株式會社定偵探社，
大佬呀，金田一黎香港請人咩，
「你怪我都冇用架，一陣要講日文我一定唔會幫你。」刀郎唔多忿氣，
就係咁，我懷住忐忑嘅心情摸上呢間公司位於工廠區嘅office。

上到去，門面裝修比我想像中靚好多，
門口仲有大大塊招牌寫住「Yum Investigation」，
等等，Yum Investigation...........？
「走得啦，刀郎。」
「點解呀？」
「研究陰呀，婦科呀，佢係咪叫我帶把手術刀呀！」
「痴線，女人個度英文都唔係叫Yum......入去啦！」
「英文你又識..............不如你入去見呀......」
我口中唸唸有詞，唔多情願地推門入去，
門口冇Reception，我嗌左幾下問有冇人，
「喂，自己入黎啦！」入面有人叫返出黎，
我滿腹狐疑行入去，然後聽到一Ｄ熟悉嘅聲音，
「哎呀！Hi！！！」
「我用曼城都羸你呀，算吧啦，慶幸冇南華俾我揀啦你！」
我入到大廳，只見兩條友坐左係梳化，對住個Projector打緊Winning，
「咦喂唔好玩住，黎左啦！」羸個個扔低手制，走過黎同我握手，
「你好，我係石頭。」佢自我介紹，
「我叫阿曲。」
「曲家小太郎呀嘛！我認得你！」另一個彈起身，石頭介紹佢叫Patrick。

唔好意思，外傳故事同我之前寫嘅野有少少關係，
想考究返Yum Investigation嘅朋友可閱覽
Part1: http://forum4.hkgolden.com/view.aspx?message=4089604
Part2: http://forum4.hkgolden.com/view.aspx?message=4107103

佢地招呼我坐低，之後就開始同我傾計，
「不如我介紹下公司先啦，其實我地同一般偵探社有少少分別。」石頭講，
噢原來真係偵探社，唔怪得勁味咁濃，
「有一Ｄ雜誌同節目都訪問過我地，我地算係香港第一間做呢類型生意嘅偵探社。」
我聞言若有所思地抬頭，醒起我睇過某集嘅Big Boys Club，
「哦！靈異偵探社！」我忍唔住講左出聲，
冇錯，呢間野因為幫過警方解決兩單怪案而出名，聽講佢地除左鬼怪野，
連咩外星人呀超能力呀個Ｄ古靈精怪都撈埋，
堪稱一站式無厘頭搞乜鬼奪命雜作，
真係估唔到，微塵竟然會介紹我黎呢度，真他媽的好帶挈。
「呀微塵大師同我地講過下你，由於我地物色緊一個揪得嘅員工，所以有興趣想見一見你。」石頭繼續話，
我一呆，點估到揪得原來係請人嘅條件，
「先唔講你點衡量我嘅好揪ness，介唔介意我問下工作性質係咩？！」我忍唔住問，
「問咩呀！請你斬人呀仲唔快Ｄ應承？！」刀郎向我抗議，
然後我留意到石頭愕然地望住把刀嘅表情，
「你.............................聽到......？！」我向佢求證，
「係，我頭先冇留意把刀上面竟然有靈魂，嚇左我一跳。」佢老實地答，
嘩呢間野堅架喎！

「講返個工作性質，主要係想搵個可以提升我地前線工作能力嘅幫手。」石頭話，
「即係可以幫手殺怪，最好Level高D唔使我地睇住。」Patrick補充，
貢得意.................？！
呢個時候，又一個人走左入黎，係一個斯斯文文嘅瘦弱青年，
「噢？你好，我係伍伯良。」
「五...伯娘......？你好....」呢間野Ｄ人真係奇奇怪怪，
「OK，如果冇咩問題唔介意我地測試下你能力值掛？」石頭企起身，
好奇心作祟之下，我跟佢地行落工廠大廈嘅停車場，
「我會負責同你試幾招，請放心出手啦！」Patrick攞左支棍出黎，
「刀兄，呢位仁兄話同我地試招喎............」我同刀郎講，
「得啦，驚我劈死佢咩。」刀郎不以為然地說，
刀出鞘，但我唔知應該點出手，
刀郎唔耐煩地驅動我雙腳，雙手執手使出最傳統嘅日本劍道技法，
Patrick表面成個地產佬咁，點知一出手快如閃電，長棍呼呼兩圈就撞開左我。
「有趣。」刀郎甚為高興，
我左右不停跳動，準備使用非常靈活、變化多端嘅活著VIVA，
只見Patrick安靜地企定定，好似根本無打算理我，由我自己成個傻的嗎咁彈出彈入，
既然係咁，我唯有中途變招，劈出活著VIVA嘅下集，
「潛龍勿用！！」

我係後巷企定，轉身望向跟入黎嘅座頭市，
「今日我要你試下我真正嘅實力。」我係結他盒入面攞出刀，
「嘿，愚蠢。」座頭市好整以暇地拔出刀劍，
咁講可能好gay，但我握住刀郎個柄時感覺到一陣暖意，
座頭市慢慢向我步近，每一步殺氣便大多一倍，
後頸汗毛直豎，呢個係身體本能地發出嘅警號，
只要跨出一步，我就踏入左生死連接嘅境界，
我左腳踏出，右手緊握，
親！
「叱！」
居合斬！

噹！
座頭市瞳孔一縮，感受到我手上傳黎前所未有嘅壓迫，
「哼！」座頭市雙手同時擋格，身體紋風不動，
我快速抽起刀，座頭市雙手立時一鬆，
然後我雙手握刀，垂直再劈下，
「咕！」身體來不及反應我閃電般嘅反擊，座頭市喉嚨發出一記悶響，
「Hi！」「Hi！」「Hi！！！」
我每一個Hi字就劈一刀，誓言打散座頭市固若金湯嘅防禦，
動了！座頭市退後一步！
刀郎無估計錯，座頭市雖然招式非常精妙，
但只要堅持攻擊令佢施唔出刀劍絕技，防多必失，
好似踢波一樣，攻擊就係最好嘅防禦！

以一個玩過居合的人的經驗，
鞘係左手/左腰，由右手拔刀出鞘，無論刀係由左斬向右 /逆加紗斬
只會踏右腳而唔會係左腳

三哥，如果有機會集結出書，請修一修改

我只係參考浪客劍心
又學到野 獻醜獻醜

我係後巷企定，轉身望向跟入黎嘅座頭市，
「今日我要你試下我真正嘅實力。」我係結他盒入面攞出刀，
「嘿，愚蠢。」座頭市好整以暇地拔出刀劍，
咁講可能好gay，但我握住刀郎個柄時感覺到一陣暖意，
座頭市慢慢向我步近，每一步殺氣便大多一倍，
後頸汗毛直豎，呢個係身體本能地發出嘅警號，
只要跨出一步，我就踏入左生死連接嘅境界，
我左腳踏出，右手緊握，
親！
「叱！」
居合斬！

噹！
座頭市瞳孔一縮，感受到我手上傳黎前所未有嘅壓迫，
「哼！」座頭市雙手同時擋格，身體紋風不動，
我快速抽起刀，座頭市雙手立時一鬆，
然後我雙手握刀，垂直再劈下，
「咕！」身體來不及反應我閃電般嘅反擊，座頭市喉嚨發出一記悶響，
「Hi！」「Hi！」「Hi！！！」
我每一個Hi字就劈一刀，誓言打散座頭市固若金湯嘅防禦，
動了！座頭市退後一步！
刀郎無估計錯，座頭市雖然招式非常精妙，
但只要堅持攻擊令佢施唔出刀劍絕技，防多必失，
好似踢波一樣，攻擊就係最好嘅防禦！

以一個玩過居合的人的經驗，
鞘係左手/左腰，由右手拔刀出鞘，無論刀係由左斬向右 /逆加紗斬
只會踏右腳而唔會係左腳

三哥，如果有機會集結出書，請修一修改

我只係參考浪客劍心又學到野 獻醜獻醜

1)踏左腳會防礙刀出
2)影響右手揮刀的重心
3)敵人如擋格，把刀反彈會有機會傷到左腳。

巴打唔通係刀郎早幾世既宿主?

可能曲仔其實係左手仔

冇得兜架啦

「非常好！」石頭大讚，
「呃.....唔好怪我八卦，既然你地都有個咁打得，點解仲想請多個？」我收起刀郎問，
「是咁的......」Patrick開口準備解釋，
突然，不遠處傳黎一陣高速轉彎嘅車軚磨擦聲，
一架黑色嘅私家車高速向我地直接衝黎，睇個勢完全冇停車嘅準備，
倉卒之間我同Patrick成個人向左邊跳開，
「喂！小心呀！！！」我驚見個個咩伯娘企定定係路中間唔郁，
然後，不可思議嘅事情發生啦！
只見伯娘舉高手，私家車竟然硬生生係佢一米前停止前進，
睇真Ｄ，成架車好似離開左地面！！
「Hi見工啫！玩咁向左走向右走大？！」我大叫，
車門打開，幾個武裝大隻佬跳落車向我地進攻，
Patrick唔用棍，淨靠手腳同佢地周旋，
五伯娘施施然雙手一揚，武裝大隻佬就飛左十九幾米遠，
而石頭就比較大鑊，一邊慘叫一邊左閃右避，
「親！」我拔出刀郎上去幫拖，
大隻佬揸住軍刀，二話不說就攻向衝過去嘅我，
「悲痛莫名！」大嗌招名是常識吧，
所謂悲痛莫名，刀鋒過處吋草不生，
大隻佬驚訝地望住自己把軍刀一分為二，然後衫褲裂開變成赤裸壯男，
我馬不停蹄跑去剩低兩個大隻佬度，不消幾秒三個大隻佬就變成光豬三壯士。

「好野喎！」Patrick走過黎拍拍我膊頭，
我地報左警，話有三個唔著衫嘅變態佬偷睇阿婆沖涼，
差人好快就黎拉左呢三個唔敢衝出街逃走嘅人樣，
「呢個就係我地要請多個人嘅原因。」石頭同我講，
「我地生意太好，有人仲衰貪心接左幾單大鑊野返黎，所以我地真係好需要幫手。」五伯娘意有所指地望向Patrick，
「挑，唔接大唔通接細咩！」Patrick不忿地答，
「食屎啦！又係見條女大波就乜都唔理！」五伯娘索性大罵，
「你冇份望嘅！哦！望就一齊望，有野就Hi勁我！」Patrick回擊，
「唔好意思佢地係咁架啦，人工方面我地可以傾，主要係睇你有冇興趣啫。」石頭拉我行開一二便講，
我微一沉吟，呢三條友真係唔知做乜向左走向右走野，
但係唔知點解，我覺得同佢地一齊做野會非常開心............
「做啦......一出場就有爆破場面，仲想點。」刀郎搭嗲，石頭哈哈大笑，

「好，我有興趣。」

就係咁，我成為左陰目偵信第一位合作伙伴，
Patrick幫我印左張卡片：

陰目偵信Yum Investigation

帶刀侍衛
曲街小太郎

下一篇：
女神約會記

你地硬係要諗馬蹄露定欣宜我都冇計