我岩岩睇完全部你就返左黎
明明仲見到你被人Hi緊
你唔係笑匠!
你係阿荃!

我上個星期五先暫時忙完
而家就開始接力完成埋呢篇真人真事佢
其實我都希望個故事唔好爛尾
先前要咁多巴打等
真係感到十分之抱歉

好喇
先Post兩篇
跟住就要訓覺喇

Hi, 幾時出書呀, 追POST好辛苦架,
一係出個"整合版"啦, 一次過睇晒

出書洩向左走向右走死我都似呀

[183]
趁住Lunch既時候, 我帶左叔婆佢地落到樓下既果間茶餐廳度
坐低之後, 我幫佢地嗌左個飯, 跟住我已經急不及待有好多問題想問佢地...
係呢個時候, Jessie係我耳邊細細聲咁講...
Jessie︰龜呀...
我︰唔...?
Jessie︰你睇下...我同佢係咪好似樣...

經Jessie咁樣一講, 我先識得留意面前既呢個男仔個樣...
望真D, 佢同Jessie個樣又真係有多處相似既地方...
佢地瓜子既面型, 筆直既鼻樑, 淺薄既嘴唇, 而個耳仔更加係十足一樣...
其實根本冇得懷疑...佢應該就係Jessie既阿哥-有全...

我唔知係咪望得太仔細, 引起左面前呢個呀全既注意...
佢雖然一直都低住頭, 唔出聲...
但係我見到, 佢由頭先開始, 已經時不時咁望住我, 佢令我感到好唔舒服...
叔婆︰美兒呀, 先前叔婆打過好多次電話黎, 點解一直都冇人聽架?
Jessie︰呀...係呀...因為早幾日我都唔係屋企度呀...
叔婆︰唔係喎, 叔婆好早之前就已經打有喇喎!
Jessie︰呀...唔...?
叔婆︰真係喎!你問下阿全丫!阿全呀, 果時我地係幾時開始話要搵美兒話?
阿全︰(沈默)......
叔婆︰(自言自語)果時好似已經4, 5月, 唔係添呀, 再之前已經有搵呀!
Jessie︰(憶起)呃...!

Jessie再次靠向我, 好似又有野想同我講咁...
我︰唔...?咩事...?
Jessie︰龜呀...我記起喇...
我︰唔...?
Jessie︰阿哥佢幫我轉過電話號碼...
我︰阿荃...?係幾時既事...?
Jessie︰佢搵左我之後冇幾耐...就轉左喇...
我︰者係1年前...?
Jessie︰嗯...
叔婆︰係呢, 國鋒阿霞佢地既喪事搞得冇問丫嘛?
Jessie︰喔...冇問題...
國鋒同阿霞, 應該就係指Jessie既老豆同老母喇...

叔婆︰咁阿少荃D錢呢, 有畀到你呀呵?
Jessie︰呃...?少荃...?
我︰...?!
阿全︰(沈默)......

Hi, 幾時出書呀, 追POST好辛苦架,
一係出個"整合版"啦, 一次過睇晒

出書洩向左走向右走死我都似呀

淨係高登人買都賺到你Hi Hi呀

如果成個高登有咁齊心就好囉

講起高登人同埋齊心
呢排我想諗個關於高登既故事
諗好就Sell畀我個做電影既朋友

不過呢D都係後話
遲D先算

好野又有得追啦

支持左你咁耐
賜番個酒比你

Thx

[186]
叔婆口中既呢個少荃, 應該就係指冒認Jessie既哥既果個阿荃-林少荃...
但係點解, 就連叔婆佢都會識得呢個人...
而且一講起少荃之後, 我面前既呢位有全, 個面色一直都有D怪...
佢地之間, 其實係咪有D咩不尋常既關係...

叔婆︰係呀, 果時我地托少荃佢係香港幫你搞國鋒佢地既喪事嘛, 佢冇搵你咩?
阿全︰(沈默)......
Jessie︰呀...有呀...佢有搵到我呀...
叔婆︰哦, 咁者係D錢都有收到喇喎?
Jessie︰係呀係呀, 收到...
叔婆︰(稱讚)呀, 少荃呢個後生仔, 算係唔話得!
Jessie︰......
阿全︰(沈默)......
我︰呀...咳...阿叔婆呀...
叔婆︰唔?咩呀?
我︰我想問下你呢...果個少荃...其實同你地係咩關係...?
Jessie︰......
阿全︰(沈默)......
叔婆︰少荃?咪係阿全D朋友囉!好好人架!同阿全細細已經係同學仔黎喇!呵?
阿全︰(沈默)......
我︰呃咁...係咪者係話...阿全過左大陸之後...都一直有同佢聯絡?
叔婆︰係囉!好好朋友呢!

原來有全同少荃, 係自小學開始既好朋友, 而且咁多年黎都重有聯絡...
咁唔怪得之, 少荃會咁清楚Jessie屋企發生過咩事...
而且有全係香港有咩要幫忙, 都會第一時間拜托少荃去幫手...
之不過, 既然少荃係有全既好朋友, 咁點解佢要盜用有全既身份...
少荃佢究竟有咩居心...

Hi, 幾時出書呀, 追POST好辛苦架,
一係出個"整合版"啦, 一次過睇晒

出書洩向左走向右走死我都似呀

淨係高登人買都賺到你Hi Hi呀

如果成個高登有咁齊心就好囉

講起高登人同埋齊心
呢排我想諗個關於高登既故事
諗好就Sell畀我個做電影既朋友

不過呢D都係後話
遲D先算

出本高登的故事
有人翻拍收版權
無人翻拍自已拍

我呢排係度諗
如果有一套叫《高登人上》既故事
咁佢既形式
係應該係好似《Love Actually》咁丫
定係Golden Change The World
者係類似《因乜差事跳跳跳》果隻咁
諗好個方向之後, 我先再諗個內容

[184]
叔婆口中既呢個少荃, 應該就係指冒認Jessie既哥既果個阿荃-林少荃...
但係點解, 就連叔婆佢都會識得呢個人...
而且一講起少荃之後, 我面前既呢位有全, 個面色一直都有D怪...
佢地之間, 其實係咪有D咩不尋常既關係...

叔婆︰係呀, 果時我地托少荃佢係香港幫你搞國鋒佢地既喪事嘛, 佢冇搵你咩?
阿全︰(沈默)......
Jessie︰呀...有呀...佢有搵到我呀...
叔婆︰哦, 咁者係D錢都有收到喇喎?
Jessie︰係呀係呀, 收到...
叔婆︰(稱讚)呀, 少荃呢個後生仔, 算係唔話得!
Jessie︰......
阿全︰(沈默)......
我︰呀...咳...阿叔婆呀...
叔婆︰唔?咩呀?
我︰我想問下你呢...果個少荃...其實同你地係咩關係...?
Jessie︰......
阿全︰(沈默)......
叔婆︰少荃?咪係阿全D朋友囉!好好人架!同阿全細細已經係同學仔黎喇!呵?
阿全︰(沈默)......
我︰呃咁...係咪者係話...阿全過左大陸之後...都一直有同佢聯絡?
叔婆︰係囉!好好朋友呢!

原來有全同少荃, 係自小學開始既好朋友, 而且咁多年黎都重有聯絡...
咁唔怪得之, 少荃會咁清楚Jessie屋企發生過咩事...
而且有全係香港有咩要幫忙, 都會第一時間拜托少荃去幫手...
之不過, 既然少荃係有全既好朋友, 咁點解佢要盜用有全既身份...
少荃佢究竟有咩居心...

你返黎喇
咁我去煮個麵再睇

巴打記住早D訓
上面果位巴打揸車要小心呀

[185]
叔婆︰哎呀, 好急呀, 我去小個便先!
Jessie︰呀...?叔婆, 你知唔知廁所係邊架?
叔婆︰(東張西望)呢!係唔係果邊呀?
Jessie︰不如咁啦, 我陪你去丫
叔婆︰喔!好哦美兒!(高興)
Jessie︰(拖住叔婆)黎丫, 我帶你行丫

同叔婆行去廁所之前, Jessie向我打左個眼色...
我諗佢係見要留低我一個人對住有全, 感到有D唔好意思掛...
叔婆︰呵呵, 美兒呀, 你呢個係咩朋友黎架?生得好英俊呀!
Jessie︰(尷尬)哈哈...係咩...
我︰(尷尬)......

Jessie帶住叔婆行緊去廁所, 而家就淨返我同有全坐係度...
不過講真, 我真係感到周身唔舒服...
因為有全佢到而家都重係成日冇啦啦望住我, 喂, 究竟佢係度諗緊咩架...
而且佢一身鄉下打扮, 全程又鬼咁靜, 佢畀到我一種好陰寒既感覺...
呢D人, 我諗都係少溝通為妙...
有全︰(呆滯)阿輝...
我︰...?!

有全終於開口喇, 而且, 佢竟然知道我個名...
有全︰(呆滯)記唔記得我...?
我︰(錯愕)下...?
有全︰(沈默)......
我︰(不知所措)唔...唔好意思...我冇印象...(苦笑)
有全︰......

我話對佢冇印象之後, 有全佢就粒聲唔出, 開始係行李度抄野...
不過其實諗真D, 我唔需要驚丫...
呢2個阿荃/全, 佢地以前都曾經係我既小學同學...
我地本來係應該識得既, 所以佢認得我都唔係太出奇者...
我諗, 只不過係我既記性太差, 個人太神經質者...

有全抄左好耐, 終於係行李度拎左支筆出黎, 然後, 係張餐檯紙上面開始畫野...
我本來都覺得莫名其妙, 但之後我先發覺, 佢畫既人像, 原來我見過...
佢畫既, 係一個漫畫化既人像, 係個女仔
係細時候既Jessie...
呢個有全, 原來我前果排發夢先見過佢黎...

我︰以前小學果時...你同阿荃都有拎你地D畫畀我睇既...
有全︰(呆滯, 點頭)嗯...
我︰(自言自語)原來夢入面果個, 係2個人...
有全︰(煞有介事)阿輝!
我︰(受驚)唔...?!

有全佢呢一下又再次咁嚇親我...
佢慌失失咁望一望廁所既方向, 然後又望返住我
我︰(膽怯)做...做咩呀...?
有全︰(喘息)......
我︰(不安)喂...你冇野呀嘛...?!
有全瞪住雙眼望住我, 望到實一實...
我既內心話畀我知, 有唔好既事將要發生...

就係我猶豫緊要唔要離開座位果時...
有全佢突然咬牙切齒, 成個人彈左起身, 終到我既面前捉住左我...
有全︰(激動)阿輝!你要救我呀!
我︰(錯愕)...?!

好喇, 訓
聽日返工實攰死

真係好好睇
可以出書

之前我係某FORUM睇過一個都係用口語寫既甜故 , 真係好好好好睇 !!
果陣真係好高人氣 ..
有成百幾萬點擊 ...
跟住作者寫到埋尾果陣停左 , 仲潛左水成個月
之後作者出返黎解釋就話 , 原來有出版商睇中左 , 主動聯絡佢去出書
最尾成功左 , 不過本書會O係台灣出 , 始終香港既市場太細 ..
所以佢要將成20萬字譯返做白話文 ..
樓主 , 你可以POST上第2 D專係寫故既FORUM度試下睇下好唔好反應

你講果個係咪《女校男生》
如果係, 咁我就真係自愧不如

[186]
有全︰(激動)阿輝!你要救我呀!
我︰(受驚)...?!
有全︰(肉緊)阿輝!救我呀...求下你!你要救我呀...
我︰(不明所以)......

有全激動既表現, 引黎全間餐廳D人望哂過黎...
而且佢雙手將我既衣領抓得好緊, 成件衫都就快要變型喇...
我唔想餐廳D人報警, 亦唔想我件新衫報銷...
所以, 我決定先去安撫有全既情緒...
我︰阿全...
有全︰(點頭)嘎...救我呀...
我︰(深呼吸)你...拿你...你聽我講先...你放低你雙手先...
有全︰(喘息)......
我︰(責怪)喂呀...你睇下周圍先啦...而家個個都望住我地喇...重點講野呀...

有全佢聽完我講, 然後就轉身望一望周圍, 呢個時候佢先發覺自己既行為過哂火...
於是終於收起左雙手, 坐返好, 垂低埋個頭...
我見佢情緒既然已經平復返, 於是就打算去問返佢究竟發生咩事...
我︰阿全...你有D咩...係想我幫...
有全︰(不安)......
我︰做咩又唔講野呀...?你頭先唔係話要救...
有全︰(搶白)阿叔阿嬸佢地要死喇...
我︰(震驚)...?!
有全︰(顫抖)跟住...好快就會到叔婆...
我︰(懸疑)喂...咩呀...?你咁講係咩意思...?
有全︰(皺眉)對唔住...阿輝...我重連累埋你...
我︰(錯愕)喂...咪住先咪住先...!(炆)你講咩呀?!咩連累埋我呀?!
有全︰(東張西望)殊!
我︰(氣結).....
有全︰(煞有介事)你唔好同第個講...
我︰(不耐煩, 點頭)......
有全︰(煞有介事, 輕聲)其實我應該死左架喇...我唔應該係度架...
我︰(震驚)下...?!
有全︰(憂傷)阿叔佢地...就係因為知道左佢既事...所以...佢地好快就會死架喇...
我︰(一頭霧水)咩呀...邊個佢?你講緊...
有全︰(自言自語)而阿叔婆...佢身體都越來越差...應該都就快...
我︰(皺眉)......
有全︰(凝重)阿輝...之後就到你喇...
我︰(錯愕)你...你係話...我會死...?
有全︰(傻笑)係呀阿輝...
我︰(充滿疑惑)......
有全︰(認真)所以要快!

[187]
有全︰(認真)所以要快!
我︰(深呼吸)你想我點做...
有全︰(嚴肅)有個地方...墳州...你去果度...搵佢個頭出黎...
我︰(錯愕)咩話...?
有全︰(傻笑)搵到佢個頭之後... 呃...(猶豫)係...你敲碎佢...敲碎佢應該得...!
我︰(疑惑)......

有全所講既野越來越神化, 我本來打算唔理咁多, 等佢講多D先再嘗試理解...
但係講到而家, 我覺得成件事, 已經唔係我呢種常人所能夠解得通...
之不過都聽左咁耐, 如果有全佢淨係想問我有咩意見既話, 我會好樂意咁話︰
「Hi 你痴乜向左走向右走線!」

有全︰(高興)你打算幾時出發呀...?
我︰(語窒)呃...我會盡快架喇...
有全︰(激動)唔得!今日就要去!冇時間喇!
我︰(氣結)......
有全︰(思前想後)唔好喇...我諗我地今晚一齊去...
我︰(慌張)喂...咪住...者...者係...你話果個咩地方呀...我地都要D地間搵下佢係邊架...
有全︰(冷卻)係WO...係邊架...
我︰咪係囉...
有全︰(自言自語)死喇...點算...
我︰(小心)喂...阿全...
有全︰(反應)唔?
我︰(試探)其實我諗緊...你頭先一直話要害你既果個人...係咪講緊少荃...?
有全︰(激動)唔係!佢唔係少荃!
我︰(受驚)......
有全︰(凝重)我淨係知道佢個名咋...
我︰(奇怪)佢個名...?
有全︰(傻笑)哈...佢叫殊...
我︰(留心)......
叔婆︰(大聲)阿全!

叔婆既一句話, 打斷左我同有全對話間沈重既氣氛...
我望向叔婆個方向, 睇見佢氣沖沖咁走向有全
叔婆︰阿全!你又同人地亂講D咩呀?
有全︰(皺眉, 難言)......
叔婆︰(對我)哈...唔好意思呀, 阿雞係咪呀?同先阿全仔同你講左D咩黎?
我︰......

我望一望有全, 佢向我搖搖頭, 示意我唔好講出去
但係有全既舉動被叔婆發現, 叔婆連環咁拍打左佢幾下, 搞到自己氣都喘埋
叔婆︰(強裝笑容)哈...阿雞呀...阿全係咪講左D奇怪野呢...?
有全︰(皺眉)......
我︰(難為)呃...都唔係...
叔婆︰嘿, 唔好意思呀, 阿全係咁架喇, 自細就愛亂諗野, 又亂講野!
有全︰(忍耐)......
我︰(難為)......
叔婆︰呢排呀, 佢同佢阿叔嘈交, 又話佢要去死呀, 乜乜乜乜!我呀, 我就真係畀佢激死!
我︰(尷尬)哈...係咩...
有全︰(氣憤)我去廁所!
我︰喂...

惱羞成怒既有全, 一支箭咁標左去廁所...
而當我想追既時候, Jessie隻手搭左落我膊落度...
Jessie︰我有D野想同你商量下...
我︰...?

[188]
Jessie︰我有D野想同你商量下...
我︰...?

呢個時候, 叔婆既午餐首先送到
由於佢頭先已經話餓, 所以我地就叫佢唔駛等, 可以食先
而Jessie就趁住呢個機會, 靠係我耳邊細細聲講...

Jessie︰阿龜呀...叔婆佢話想過我度訓wo...
我︰下...但係阿荃果單野都未搞掂...
Jessie︰咁點呀...定係有佢地係度...唔駛驚呀...?
我︰唔好啦...預防萬一呀...
Jessie︰唔...
我︰佢地留係香港幾耐架...
Jessie︰一個星期左右啦...
我︰你肯定...?
Jessie︰佢頭先講架...
我︰咁...不如過我度喇...
Jessie︰得咩...?
我︰冇話唔得既...

口裡說得, 表情卻很老實, 而家既我已經西口西面
其實住多Jessie一個, 成件事已經窄窄地, 而家重要加埋叔婆同有全
一個老人家加一個思覺失調wo, 其實我真係覺得好為難
但係我又覺得, 身為一個男人, 必要時, 就算係屎, 都要為個女人硬食一次...

[189]
我︰叔婆呀?你地咪落黎香港一個禮拜既...
叔婆︰係呀!我同阿有全落黎, 係想睇下國鋒阿霞件事搞成點咋嘛!
我︰呀, 咁不如, 呢個禮拜就係我屋企住先啦, 好嘛?
叔婆︰(猶豫)呀?去你度?
我︰(尷尬)哈...係呀...呀...因為美兒屋企呀...新裝修呀...所以未住得呀...
叔婆︰(奇怪)喔?咁美兒平時住邊呀?

被問到呢句, 我同Jessie互望左一眼, 大家都有d尷尬
我︰(害羞)美兒而家住我度...
叔婆︰(驚奇)下?
Jessie︰(尷尬)係呀...阿龜同我好好朋友架嘛...所以我暫時住佢度先...
叔婆︰(面色一沈)哎呀...唔好喇...不如我地3個住酒店啦...
Jessie︰......
我︰其實唔緊要架...
叔婆︰唔好, 麻煩到人
我︰真係唔緊要呢...
叔婆︰你一陣帶我地去間平平地既酒店啦, 咁就得架喇!
我︰下...酒店...?
叔婆︰得啦冇問題!
Jessie︰(無奈)......

我望一望Jessie, 我都睇得見佢個樣好無奈
雖然我覺得佢並唔介意同叔婆佢地一齊住酒店先
但有得畀佢揀, 我知佢一定係唔想離開我
所以...唯有咁啦...

我︰叔婆呀...
叔婆︰唔?
我︰(堅定)其實我係美兒既男朋友
Jessie︰(錯愕)...?!
叔婆︰(錯愕)...?!
我︰(尷尬)哈...所以...唔緊要啦...你地就住係我度先啦...好嘛...?
叔婆︰呵!原來阿雞係美兒既男朋友呀?
Jessie︰......
我︰(汗顏)哈哈...係呀...

呢個時候, Jessie頂左我一踭, 扮左個嬲樣望住我
Jessie︰(扮嬲)你做乜亂認係我男朋友呀?
我︰你唔鍾意咩?
Jessie︰(語窒)嗤...都唔關事...
我︰(衰格)哈傻妹, 駛唔駛面紅呀(笑)

Jessie怕羞咁摸一摸自己塊面, 鬼咁尷尬咁, 真係好得意
睇到佢咁可愛既樣, 真係咩都值得
而呢個時候, 有全都已經返到黎

有全一聽到要入住我屋企, 表情就變得好雀躍
我知佢心入面諗緊咩...
佢一定係諗緊住係我度, 咁今晚咪方便我帶佢去果個咩鬼野墳州...
一諗到呢到, 我就覺得好頭痛, 心裡好不安...

開始唔係好記得d情節
花些少時間run番先

Sorry
因為我呢排得閒又得閒唔哂
重成日鬧情緒
唔想寫野咁

[190]
係帶Jessie佢地返我屋企既途中, Jessie再次發起吽豆
本來我都估到佢係因為阿荃件事而唔開心
但係每次聽到佢維護阿荃既說話, 我始終感到好勞氣...

Jessie佢話, 佢感到好空虛, 因為阿荃唔係佢既親生阿哥...
佢覺得自己好似又再次失去一個親人咁...
於是我就追問, 其實佢有冇係呢件事上面感到心寒過...
而Jessie佢, 竟然咁樣答我...
「我覺得阿哥佢根本唔想傷害我地, 佢一定係因為傷心過度, 先至會咁...」

我真係唔明白, 其實係咪每個少女都會咁樣...
明明睇住果個人發哂狂, 打人又剩...
之後自己重要被人捉住左, 困左係個舊貨倉度...
下一步更可能會被殺...
但佢竟然都為對方諗得出一句體諒既說話...
我覺得咁樣實在係太情感泛濫...
我實在唔能夠明白...
於是, 係去我屋企既途中, 我再冇理到Jessie...
而且心入面, 重開始有少少唔鍾意佢...

[191]
經過左一段車程, 我終於帶住Jessie, 叔婆, 有全佢地去到我屋企門口
係入去之前, 我用左d時間向我阿媽解釋發生左咩事
我又氹又拜, 重差d跪埋係地上面, 佢地先肯答應畀佢地暫住係呢度
做男人充大頭鬼充到咁樣, 都真係幾折墮...

另一方面, 可能因為我察覺到同Jessie之間想法有所出入
令我一時之間接受唔到, 繼而有d覺得Jessie並非我想像中既咁好
所以, 我開始想盡快了結阿荃件事, 我唔想再百無了賴咁等落去
我想Jessie盡快離開我, 係我身邊消失, 咁樣以後大家就可以冇拖冇欠
而我, 亦唔再需要有而家呢種咁難受既感覺
於是, 我打左個電話畀阿杰...

以吹水, 聚舊為名, 我同阿杰講, 話想約佢, 同埋Jade
點知岩岩好, Jade就係佢身邊, 佢一聽到係我打黎, 就話要同我傾
佢話佢同阿杰咁岩睇完樓, 問我有冇興趣係Tea Time見面
一切都正合我意, 我地相好15分鐘後...

係出去之前, 我重新換左件得體d既衫
話哂Jade係個熟女, 係佢面前, 一定要盡量表現得成熟d
而Jessie見到我冇啦啦悉心打扮, 於是佢就感到奇怪, 然後追問起黎...
Jessie︰(奇怪)龜...做咩換衫既...?你要出去呀...?
我︰(無表情)係呀...
Jessie︰你要去邊呀...?
我︰約左朋友...
Jessie︰(關心)係咪有d咩事呀...
我︰為左阿荃既事...
Jessie︰(著緊)你有阿哥既消息喇?
我︰未有, 所以咪要去搵囉
Jessie︰點樣搵呀?
我︰(不耐煩)嗤...
Jessie︰(語窒)...?

[192]
Jessie︰(著緊)你有阿哥既消息喇?
我︰未有, 所以咪要去搵囉
Jessie︰點樣搵呀?
我︰(不耐煩)嗤...
Jessie︰(語窒)...?

其實頭先果條問題, 真係冇乜大不了
我可以直接答佢, 向佢解釋我即將要做既事情
又或者我心情唔好, 咪答都唔好答佢囉
但偏偏, 我選擇要令佢知道, 我而家既心情好差...

我︰我有個朋友, 識得d警察高層既, 咁我咪諗住託佢搵阿荃既下落囉
Jessie︰下...佢地會唔會拉阿哥架...?
我︰(反一反眼)咪就係因為你唔想我報警, 又唔想d人拉阿荃, 所以我先要兜個圈託人地幫手咋嘛, 你明唔明呀?
Jessie︰(錯愕, 沈默良久)我係唔係煩親你呀...?
我︰(不耐煩)唔係...
Jessie︰(憂心)我係咪頭先有d咩激嬲左你呀...?

Jessie明顯想關心我, 想知道我究竟咩事, 想同我和好...
但係賭氣既我, 就偏偏意氣難平...
我︰(淡然)冇...我冇野...
Jessie︰(哀求)唔係呢...你同我講丫...究竟咩事呀...?
我︰(無情)冇時間喇, 我趕住出門呀
Jessie︰係咪你唔鍾意我成日提住阿哥呀...?
我︰......

Jessie果然聰, 細心...
冇錯我係為左呢件事而嬲佢, 佢估到個重點了
而我, 明明可以趁住呢個機會落台, 等大家和好如初...
但係小氣既我, 就覺得Jessie既誠意仍然未夠...

Jessie︰對唔住呀...阿龜...唔好嬲我丫...

[193]
Jessie︰對唔住呀...阿龜...唔好嬲我丫...

呢個時候, Jessie走到我身邊, 攬住左我
隨之而來既, 係佢既一吻, 充滿住對我既愛意
佢雙手繞到我頸後, 我地既面部近得雙方既鼻尖都就要觸撞到
Jessie為左氹返我, 遂解除左我地之間兄妹既關係
而家既佢, 係視我為男朋友

Jessie︰(含情)我唔知你唔鍾意架...對唔住呀...
我︰......
Jessie︰(哀求)我以後唔會架喇...好冇呀...?
我︰......
Jessie︰最多我錫多你一啖啦(微笑)
我︰......

Jessie見我冇畀d咩反應佢, 遂知道我重嬲緊
於是佢雙手係我膊頭借力, 雙腳企一企高, 撐高個人
然後靠到我耳邊, 輕輕細語...
Jessie︰(搖我)我愛你呀...真架...唔好嬲丫...
其實聽到呢一句, 我已經有多少心軟...
Jessie︰(害羞)最多...今晚你想我點, 我都答應你喇...(笑)

對於Jessie既呢一句, 我明明心動, 我明明想攬住可愛既佢, 親吻佢數十次
但係喺冇經過思考既情況下, 我深深咁吐出一口冤氣...
我︰你講完喇呵?
Jessie︰(愕然)...?!
我︰(無情)我真係要趕住出去...
Jessie︰(擔憂)龜...?
我︰(淡然)我係為左你咋, 你都想盡快見返你個好哥哥架?
Jessie︰(惶恐)...?

我知Jessie聽完呢句之後, 個心一定好痛
但係當我想離去之際, 我再次轉身, 講出一句更狠既說話
我︰不過係搵到佢之後, 你唔好再搵我喇, 因為我真係唔想再次畀人打暈...
Jessie︰(怔住)...?!

人生之中, 今次既彩我真係拎到十足, 而且成個表現亦都十分之瀟洒...
我轉身離去, 冇回頭, 冇關心Jessie聽完我呢句後, 有d咩反應
但係到左關上門既一刻, 我突然感到好後悔...
因為, 由於我既任性, Jessie再次喊了...

寫到呢度
停一停
好q眼訓

[194]
我帶住失落既心情, 去到一間酒店入面既咖啡廳
係果度, 阿杰同Jade同上次一樣, 已經坐左係度等緊我
打招乎之前, 我收一收起左心情, 扮到若無其事
我︰喂, 唔好意思, 我又遲到
阿杰︰喂, 龜
Jade︰hello
阿杰︰做乜咁好死主動搵我地呀?
我︰Jade囉, 果次見完佢, 就成鬼日掛住佢, 阿杰呀, 點解你會識到d咁有氣質既女人架?
Jade︰哈~
阿杰︰嘩, 咁口花既今次, 果次見你, 都唔覺你吼住佢架wo
我︰今日我著得型仔d嘛, 有自信咪口花d囉
Jade︰嗯, 今日望落係唔錯wo
阿杰︰喂喂, 你地互挑得架啦, 我係咪要返屋企先呀
眾人︰哈哈哈~

我地三個人無無聊聊, 由Jade之前搞party遇到既趣事到講身邊仇人既壞話, 我地差唔多乜都可以講一餐
言談之間, 我對Jade多左一份了解, 我覺得佢係果種好需要快樂既人
無論你身份係咩人, 年齡係幾多歲, 佢都可以同你做朋友, 只要開心就得
而且我見Jade同我地傾得咁開心, 於是我望一望阿杰, 又諗一諗自己
我懷疑佢特別鍾意埋d後生仔堆, 同埋有舖鍾意後生仔既癮
點解? 因為有後生仔係身邊, 咪可以更顯得佢自己重係好青春囉

應酬既說話講到咁上下, 我開始搵位入今次約會既目的
我︰唉, 咪講笑, 呢排精神壓力真係好大, 人都癲...
阿杰(說笑)︰喂, 你果份工好閒咋wo, 你咁都死得人?
我︰Hi, 上次單野呀?
阿杰︰?
Jade︰係咪果次你話你畀個舊同學騷擾呀?
我︰咪係囉...頂...!真係痴向左走向右走線...!
Jade︰乜而家重有搞住你咩?
我︰有啦, 呢幾日係樓下見到佢tim呀
阿杰︰嘩, 阿荃搞咩呀, 咁向左走向右走喪?佢似係果d咩呀, 果d唔識追女仔既毒男呀!果d男仔咪伏係個女仔出現既地方, 成日偷望個女仔既!
Jade︰係呀係呀!見過見過!
阿杰︰似向左走向右走到十足呀!
Jade︰哈哈, 你講到好衰呀!

雖然我知道阿杰冇惡意, 係為左搞氣氛先會開個咁既玩笑
但佢開既玩笑, 令我不其然諗返起Jessie同我講過, 話阿荃打暈左我次後, 摸過我, 又打過飛機
Hi, 成個人又虛一虛......
阿杰︰喂, 又唔駛咁愁wo
我︰唉...你試下做我...
Jade︰駛唔駛我幫手呀?

Jade呢一問, 中哂我既諗法, 我可以唔客氣咁向佢提出請求了
我︰其實我有個諗法, 但我要知道佢個地址先...

[195]
我︰我要知道佢個地址先...
阿杰︰你要佢個地址黎做咩呀?
我︰其實我識得阿荃個妹, 我想帶埋佢個妹去搵佢, 然後將件事講清楚佢
阿杰︰呃...咁...
我︰本來我早就想託佢個妹幫我搞掂件事架喇, 但無奈自從阿荃電話騷擾我果日起, 佢個妹就搵唔到佢, 而呢幾日係樓下見到阿荃, 每次一見佢佢就走, 追都追唔切...
Jade︰其實唔係唔得既...
我︰呀...?
Jade︰不過你個朋友可能已經有d精神問題, 你上去果時最好帶多幾個人
我︰Jade, 你真係可以幫我搵到佢既地址呀?
Jade︰可以既, 我叫警館果度d同事幫我查下咪得囉, 好容易, 以前都試過
我︰喂, 係就真係多謝哂你呀, 我以身相許都冇問題呀!
Jade︰哈哈, 拿, 我記住架喇!

搞掂, 話都冇咁易, Jade真係一個好大方既人
我開始考慮, 不如真係搵日報答下佢先
阿杰︰喂Jade, 你真係幫佢搵呀?
我︰...?
Jade︰做咩呀?唔好咩?

阿杰沈默左一陣, 好似有口難言, 然之後佢靠近Jade, 細細聲講
我有唔好既預感, 阿杰好似反對我既提議咁, 但係點解呢?
阿杰講完野, 坐返好個人, 而Jade聽完之後就靜靜咁冇出到聲
阿杰︰阿龜呀...
我︰唔?
阿杰︰其實唔係唔想阿Jade幫你, 不過你知啦, 呢d事, 始終唔係咁好既
我︰我淨係想查下個地址咋wo, 阿Jade又話唔難既
阿杰︰其實唔係Jade講既咁簡單架
我︰喂, 佢話以前試過架wo, 有咩咁唔簡單呀?
阿杰︰唔係咁好架
我︰喂, 為左我, 幫我搵一次, 都唔得?
阿杰閉起雙眼, 搖搖頭
而Jade就依然冇講過一句野

Hi Auntie屎忽鬼阿杰, 冇啦啦係度扮正義, 冇啦啦係度扮一等公民?!
我對阿杰既舉動不明所以, 佢所講既, 佢所擔心既, 唔似係佢所為
Jade︰唔好意思呀...呀龜...一係你擔心既話...咪報警備案囉...
我︰備案?係我出事之後, 等d人知可能係佢做既咁呀?
Jade︰......
我︰咁唔駛啦......(不屑)算!我自己搞返!

阿杰, Jade感到我係度發緊脾氣, 所以佢地都唔再敢講d咩
而家個氣氛好硬, 好死, 大家都好似再打唔開第個話題
阿杰︰我去一去洗手間...

阿杰可能係想避一避風頭, 藉故行開
但我真係頂唔順, 越諗越嬲, 於是我都跟埋一份
Jade︰龜你去邊呀?
我冇回答Jade就行開左, 追向阿杰

我︰喂, 咩事呀?
阿杰轉身望向我
阿杰︰咦?
我︰你同Jade擔心d乜呀?真係唔可以幫到我咩?
阿杰︰真係唔得呀
我︰喂, 唔係wo, 你講丫, 驚d咩先?

阿杰語窒, 笑左一笑, 就好似係度恥笑我蠢, 講極都唔明咁
我︰你之前又叫我搵Jade幫手既?
阿杰︰