1. 「沈大師」沈振盈周六晚突然離世，消息震驚財經界。同屬財演嘅羅尚沛（Eugene）今日係「RagaFinance財經台」節目中悼念，期間多次泣不成聲，睇得出佢對大師有情有義。簡單roundup下重點：
2.
上星期六，大師到朋友屋企練氣功同傾計，食飯前見唔舒服先走，去坐的士途中見暈，休息後再行兩步就「嘭」一聲倒下，晚上9點17分離開。
3. 大師幾年前曾爆血管，之後開始聽朋友講body check。近一兩個月大師通過波仔，之後因為血壓藥，令到精神有時好High，有時無電，
醫生調低用藥後，情況好轉，但近日仍多次見暈。
4. 羅尚沛透露，大師從來唔好大魚大肉，亦唔飲酒，只愛可樂同吸煙，「咩上市公司請食鮑魚，佢同大師從來唔會出席呢啲，只會避」。
5. 大師最自豪並非一股不留、四萬點，而係自己創辦嘅網台，由開台、無人睇、再做返起。羅尚沛又形容大師唔係一個思思縮縮嘅人，三萬點就三萬點，四萬點就四萬點，唔到咪等。
6. 羅尚沛最後哽咽，「我代大師講，佢輸咗，你哋贏咗，佢投降啦」。大師已睇唔到，再揶揄唔到佢，睇到嘅只係佢嘅屋企人。「無論啱與錯都好，俱往矣」。
7. 羅尚沛又透露，一向好無計劃嘅大師，上星期開始忽然好有計劃，開始籌劃節目周年慶，又答應2028年搞《串到盡3》，依家搞唔到了
呢幾日我都有D傷感, 以後冇得笑佢燈喇
恆指衝破四萬日, 公祭泣告沈大師
