本人一直有玩開online game，一直以來被各種各樣之黑客、外掛以各種方式攪了十多年，近幾個月發現黑客好似又有新玩法，我玩玩下螢幕突然freeze咗，但個遊戲係仍然進行中，因為聲音無停止，而且部電腦各方面運作正常，最後我要ctrl+alt+del去關閉遊戲先可以解決。
呢種freeze嘅情況係，若果我立即再次登入遊戲，就會馬上再次發生，若果我停玩一段時間後再登入就無事(好似有個人mon住我有無繼續玩咁)，但好多時玩到幾十分鐘或者超過一個鐘就會再出現，連凌晨時段都有，我最後暫停上線咗一個禮拜，再上線就好正常，直到我認為被黑客發現我再次上線之後問題就再出現返。
我觀察咗幾個月，發現好有規律性，而且因為我十幾年來都已經飽受黑客騷擾，所以我絕對相信呢一種事情一定係黑客所為。
本人一早已經向官方客服投訴，但由於此情況不影響遊戲(其他人可以如常遊戲)，官方回覆佢地認為無問題。現在小弟希望求教電腦高手們，遇到呢種情況可以點做，感謝各位。(有油
)
P.S.呢十幾年來，我所遇到過嘅問題真係五花八門、多不勝數，我都知道黑客、外掛呢類垃圾就永遠殺不盡架喇，最壞打算自己放棄個遊戲
