示意圖

嗰時喺roller場識咗大班嘅朋友, 有男有女, 已經好熟, 有陣時甚至乎上去佢哋屋企打牌。
突然又有個女仔同我講: "有鍾意過我, 但係而家冇啦!” 我覺得好迷惘, 但係又好好笑!都唔知佢講真定假!
但係喺呢班朋友之中, 我真係有同其中一個女仔發展!佢好特別, 好特別. 好特別...點特別?我唔應該喺呢度講!
嗰陣時嘅佢, 係住私人樓, 我識佢嘅時候好似係父親啱啱過身, 佢媽咪好傷心, 留喺屋企思念度日, 精神恍惚! 最後好似係搬咗去親戚度。
雖然有幾兄弟姊妹, 但係從此屋企就好冷清, 屋企冇人打理, 甚至乎幾日都冇人喺度。
佢就會自己執下屋, 有時同我講: "兩日冇食過嘢囉!"
我會過去同佢出去食飯, 又有喺佢屋企煮嘢食, 或者畀啲錢佢。
跟住, 有同佢拖手, 喺佢屋企攬攬錫錫!佢十分之了解我, 我思考緊嘅事, 佢已經講咗出嚟!有時我都呃下佢, 玩下。
但係, 佢阿哥話我喺佢哋嗰度搞搞震, 搵咗幾個人圍我, 有一個玩健身嘅, 大隻過我一倍, 話要同我隻揪!
就係咁, 反反覆覆維系咗年半, 漸漸就疏遠咗, 冇再聯絡!
到過咗好幾年後, 有時經過佢個區嘅時候諗:會唔會碰見佢呢?
有時突然間又諗起呢段情, 有啲思念, 心情有啲忐忑!甚至乎會諗:佢是否仍在人世呢?
這一段情, 我自己也猜不透!