近年不少港人移居他國，在異鄉重新開始，究竟要捱過多少難關，才能在當地站穩腳跟？近日有港人在Threads分享一家人移民英國的經歷，透露「喺香港住公屋 ，帶唔夠50萬過到嚟英國」，相信是指全家積蓄不足50萬港元。樓主家人抵英後，立即努力工作，「之後屋企人同埋自己都有返工，供到我讀大學畢業」。

由於樓主當時未獲得英國當地學生學費資格，所以需要支付國際學生學費，「3年總共嘔咗70幾萬港紙」，幸好目前「批埋永居（英國永久居留權），成壇嘢好唔真實」。樓主直言「有時唔係好知我哋成家點捱過嚟」、「真係唔知呢幾年我哋過嘅係咩生活」，但樓主表示「好感恩之餘，好想同我屋企人講返聲辛苦晒」。

帖文引來許多網民共鳴，紛紛恭喜樓主：

「好厲害，證明咗想留低嘅，點都會捱落去，你全家都好本事！祝未來生活都順利」

「好叻，真係唔易！識好多港人老竇做倉做廠，捱到個人殘晒，只為咗供仔女讀大學，好偉大」

「終於見到帖文係感謝屋企人帶自己移民，而唔係日日叫要返香港、無朋友、食嘢貴、嘢食難食嘅無謂文，加油呀，你同屋企人都好叻，好好珍惜𠵱家擁有嘅嘢」

網民質疑帖文是否虛構故事

不過有網民發現樓主帖文和其他帳號帖文內容一模一樣，字句近乎完全相同，質疑屬「農場搬運文」或虛構故事，樓主只是用3個「笑喊」表情符號回應。

雖然未知事件真偽，但參考樓主帖文，沒有透露移英途徑，如果在BNO Visa計劃推出初期就移居英國，若循「5+1」常規途徑申請，必須居留滿5年，而樓主於今年10月22日發出帖文，如他是2021年初赴英，確實有可能已經取得永久居留權（ILR）：

2021年1月31日：英國正式開放BNO Visa申請

2021年初：申請人隨即赴英，並以合資格BNO簽證居留

2026年初：居英滿5年，符合居留日數、英語及Life in the UK Test等要求，原則上可申請永久居留權

移英家庭公屋處理法：全家遷出須向房署退租

根據香港房屋委員會及房屋署資料，公屋單位必須符合租約訂明的實際居住要求，倘若全家長期移居海外，單位無人符合租約要求繼續居住，便應向屋邨辦事處辦理退租及交還單位手續，不能單純繼續繳交租金以保留空置公屋，房委會更規定丟空或逾3個月非經常持續居於單位即屬濫用公屋，房署有權不予警告直接終止租約收回單位。

房署列明，遷出公屋時，租戶必須於租約屆滿或遷出通知書指定日期前清空單位、繳清租金，以及交還所有鑰匙、租約文件和房署繳費通卡。如曾自行裝修或加建設施，亦須按規定恢復單位原有裝置及清走雜物，否則房委會可從按金扣除相關費用。