當年不少香港家庭選擇賣樓辭職移民海外，然而隨着時間推移，討論焦點已由當年的「走唔走」，逐漸演變成今日的「留唔留」。日前，有移民英國的港男在網上發文，探討移民5年後部分港人正面臨的現實落差與心理掙扎，指出有「5類人士」特別容易萌生回流念頭。帖文一出，即引起不少同路人共鳴。

樓主在社交平台threads以「移民五年後，點解有人開始想回流？」為題發文，指2021年，一場移民潮，改變了無數香港家庭的命運。有人賣樓舉家移居、有人辭職隻身赴英。然而，轉眼五年過去，當年的熱門話題由「走唔走」，已變成了今日的「留唔留」。

帖文指出，移民最難的從來不是辦理簽證或買機票，而是真正生活幾年後，發現自己在香港的價值未必能「原封不動」搬到外地。樓主列出5類最值得重新思考人生定位的人士，包括：

1.喺香港有唔錯收入，但移民後需要重新開始嘅人：在香港月入三四萬、身居管理層，到了外地卻要由基層做起。最難接受的不單是收入減少，更是昔日的職銜、社會地位以及「被需要」的感覺一夜消失。樓主形容：「有時候，放唔低嘅唔係香港，而係以前嗰個自己。」

2.單身移民，始終建立唔到新生活圈子嘅人：一個人移民，某程度上比一家人移民更需要勇氣。經過第一年的新鮮感與第二年的適應期，第三年開始，可能會問：「我究竟為咗乜嘢留喺度？」樓主認為：「當一個地方冇伴侶、冇朋友、冇歸屬感，生活成本就唔再只係金錢，而係孤獨。」

3.夫妻關係，經唔起移民後重新分工嘅家庭：以前香港有工人姐姐、有長輩幫忙，每日相處可能只有幾個鐘的Partime夫婦；移英後，全部重新洗牌，返工、湊仔、煮飯、清潔、接送小朋友全包，變成「全職夫婦」朝夕相對。樓主直指：移民未必製造了問題，而是將原本被忙碌掩蓋的婚姻罅隙無限放大。

4. 對移民生活抱有過高期望嘅人：想像中的英國，有大屋、花園與優質教育，悠閒生活；現實中卻要面對高昂稅務、維修、醫療輪候、交通、冬天漫長黑夜以及永無止境的家務。樓主分析指：「有啲人唔係適應唔到英國，而係適應唔到理想同現實之間嘅落差。當初以為移民係人生升級，後來先發現，原來只係轉換咗另一套遊戲規則。」

5. 家庭關係出現變化，失去留低理由嘅人：夫妻其中一方適應良好，另一方卻始終無法融入下，重新思考婚姻同人生。樓主分認為，「當一段關係結束，原本兩個人共同選擇嘅移民目的地，可能突然變成一個人嘅傷心地。回流，有時唔係對國家失望，而係人生已經改變。」

對於「走與留」的抉擇，樓主提出了另一個思考角度，認為大家不應將焦點放在「香港好，定英國好？」，而是要作出客觀自我評估，包括：專業價值、家庭健康、資產收入、子女未來的選擇權，以及真正想居的地方。

樓主強調，見過有人在英國重新開始，亦見過有人回流後事業同家庭關係得到改善，因此「從來唔認為留英等於成功，回流等於失敗」。他認為每個人對「勝利」的定義各有不同，有人追求自由，有人重視事業，亦有人只想一家人坐埋食餐飯。「移民唔應該變成一場證明自己當年冇揀錯嘅比賽。五年前作出嘅決定，唔代表五年後唔可以重新選擇。」

樓主認為「人生最重要嘅，唔係你最後留喺邊個國家，而係你有冇能力選擇自己想過嘅生活」，並向一眾移英港人靈魂拷問：「如果重新俾你選擇一次，你今日仲會唔會作出當年同一個決定？」