一好樣都係冚家剷黎
蔡天鳳案丨蔡母:鄺球曾病到就嚟死 靠女兒碌卡20幾萬救命
名媛蔡天鳳疑遭殺害碎屍案，前夫鄺港智、前家翁鄺球及前大伯鄺港傑被控謀殺罪，案件於高等法院第12日審訊。蔡天鳳母親張燕花繼續作供，接受代表鄺球的大狀戴奧偉(Oliver Davies)盤問。
被指狡猾老狐狸 鄺球被告欄歪頭冷笑
張燕花形容鄺球是「老狐狸」、「好狡猾」，又透露「鄺球條命都係我個女救」，指他曾「病到就嚟死，都無錢睇醫生，阿囡碌咗卡20幾萬，如果唔係佢都死X咗，半個鐘都死啦」，並再斥責「唔係人嚟㗎呢班！」身處被告欄的鄺球聞言歪頭冷笑。
至於鄺球名下有海南物業、加多利山物業及2架車，張燕花指「講明就畀佢持名，賣出去就俾阿囡㗎」，及後母女「見到狐狸尾巴，要斬斷，要收返晒返嚟」。
蔡母:全家都係大話精 茶都未飲過一次
戴奧偉提到張燕花稱聽說鄺球是的士司機，但他從來不是。張燕花指鄺家「話住九龍塘又無住，全家都係大話精」，「做親家咁多年，茶都未飲過一次，未埋過單，邊度有錢，仲喺度吹」。
戴奧偉指勞斯萊斯及另1架私家車登記於鄺球名下，因為是屬於他的。張燕花指絕對無可能，直斥「你聽佢吹？飯都冇得開，邊有錢買勞斯萊斯？六、七百萬⋯⋯眼甘甘講大話」，強調女兒每個月給鄺球2萬元生活費。
