https://inme.cc/S7Rpos

維多利亞公園年宵市場攤位今日（10月7日）起，在荔枝角政府合署競投共400個攤位，包括4個快餐、180個濕貨及216個乾貨攤位，底價由6,530至120,470元不等。今年近天后站出入口的快餐攤位（A檔）以28萬元成交，最高成交價比去年四個快餐攤位最高價的約23萬升約兩成（21.7%）。

競投維園快餐攤位多年的陳先生，去年以13萬「入手」B檔（近天后），今年以高出一倍價錢的26萬投得C檔（近銅鑼灣），大嘆「梗係貴啦，舊年12萬幾啫嘛，今年貴多一倍差唔多。」他斬釘截鐵稱料今年無法回本，指去年客量已減少一半，「肯定回唔到本，因為香港已經係消失咗啦啲人」，料今年生意額較去年更低，「因為香港依家啲人都唔消費」。陳先生稱會一如以往銷售小丸子、丸類及香腸等小食。

問到為何仍要競投，陳先生笑言「我哋做開冇辦法啦，戰死沙場呀嘛，雖然我72歲，都未死㗎」，但強調不會提高食物價錢。

維園年宵市場攤位今日起，一連三天公開競投，乾貨攤位底價由450至12,810元、濕貨攤位底價由380至6,530元，快餐攤位底價則由2,290至120,470元。首日上午競投4個快餐及73個濕貨攤位，今年有3個快餐攤位成交價高於去年，包括近銅鑼灣的A、B號快餐檔，以及近天后的C號快餐檔，最高成交價的A檔28萬，取代去年以23萬成交C檔成「檔王」，濕貨攤位最高成交價則為4.1萬。

2027年農曆年宵市場明年1月31日至2月6日，一連7天在全港14個地點舉行，港島、離島和九龍區有6個年宵市場，新界區則有8個年宵市場，共設939個濕貨攤位、599個乾貨攤位和26個快餐攤位，合共1,564個攤位。

首次於維園競投快餐攤位的何先生，經12口叫價後，以28萬元「檔王」投得鄰近天后站的A檔，同一攤位去年成交價僅為14萬，今年足足高出一倍。何先生表示，價錢屬預期之內，本身預算30萬內投得攤位。他本身從事餐飲業，疫情前起在花墟年宵擺檔，對回本有信心，「冇信心回本做嚟做乜嘢。」何先生預計今年生意額會高：「我覺得一年比一年好，所以貴咗我都照投。」他未透露將會出售的食物種類，「都係啲特色美食啦，到時先公布，而家唔講住。」

同樣近銅鑼灣的D檔，由餐廳「玉子燒」負責人吳先生「一口價」15萬投得，有在場競投人士不禁道「抵到爛」。吳先生已連續3年投得快餐攤位，他表示今年競爭不大不少，笑言自己「不嬲執（競投）最後嗰個」。

他又未擔心港人北上影響生意，認為北上人數已「定咗落嚟」，早前維園舉辦中秋花燈會亦人流眾多，盼屆時天氣「凍啲」更有氣氛，「天氣好就應該有得做下嘅，如果你落雨都會蝕。」