https://www.youtube.com/watch?v=fbNJZ3guOvY當公司推出自願離職方案，仲有一筆額外補償，阿強第一個反應唔係驚，反而覺得呢次可能係一個機會。
做咗咁多年，又做過經理、帶過人、月結年結核數全部都識，出去再轉份工，應該唔會太難。
但真正離開公司之後，先發現求職市場同自己想像完全係兩回事。
履歷一份一份寄出去，有啲冇回音，有啲面試完消失，有啲直接拒絕。原本覺得五萬幾先值得考慮，慢慢變成五萬、四萬八、四萬五……
最後，一間公司開出三萬九。
由月薪五萬二跌到三萬九，佢會唔會接受？
呢個故事唔單止係講失業，而係一個中年男人離開做咗廿幾年嘅公司之後，第一次真正面對自己喺職場上嘅價值。
有時你以為屬於自己嘅職銜、公司名、辦公室、下屬，其實都只係公司暫時借俾你。
真正可以跟住你走嘅，可能只有你自己識做啲咩。
而「肥雞餐」到底係機會，定係誘惑？可能真係要離開咗之後，先會知道。
