福利：
我唔會隨手隨便就去攞人哋啲相，所以我決定自己畫。
揸車返屋企嘅路上，幾個朋友接連send資料俾我，話英明模型即將結業。心頭突然一沉
利申：本人對英明模型其實並不認識，只係印象中入過一次店，冇乜特別感覺。但聽到呢個消息，仍然覺得有啲唏噓。
睇住其他人喺post下面留言：「好可惜啊」「又少咗一間」「真係好捨不得」「點解撐唔住呢」⋯⋯
大家而家覺得可惜，請問之前有冇真心珍惜過佢？平時有冇走入去買嘢、支持過佢？定係等到人哋要走嘅時候，先趕住去打卡留念？
回憶，從來唔係靠一張相去鎖住，而係好好地活喺我哋心裏、腦海中。每個人珍惜嘅方式都唔同，但最重要係——我哋曾經開心過、享受過，就已經足夠。
因為有聚，就必定有散；再美好嘅事情，總有完結嘅一日。唔捨得，就將呢份感覺，化成心底最溫暖嘅記憶吧。
祝福英明模型嘅老闆，
願你哋離開呢一段旅程之後，生活愉快，
早日搵到屬於自己嘅人生幸福同快樂。
