觀眾還表示，原本情投意合的Kanis與Oscar互動甜蜜有看點，卻被何沛珈突然「插一腳」，令現場氣氛陷入尷尬；更猜測Roxanne海選環節並沒有給Oscar燈，疑如今見到對方人帥又有話題度才下手，認為她此舉只為博流量：「如果唔係Tony佢已經淘汰，仲要走去揀其他team嘅人，根本就係嫌人哋唔夠靚仔」、「名副其實綠茶」、「Oscar表示尷尬」、「覺得Tony哥好慘，其實都唔係咁差啫」、「由頭到尾都係為咗博出鏡，其他女神都有著落，佢驚自己被淘汰同冇話題」「如對Tony沒好感，請別戲弄」。
急發長文親揭原因網民唔Buy
對於海量負評，何沛珈緊急在IG發長文，解釋沒有選擇Tony又轉投Oscar的原因，坦言雖然對方很好，但並未令自己有心跳加速的「觸電」感覺，故最終選擇了當日真正令她心動的求愛勇者，但瀏覽網民的留言似乎對這個說法並不買賬。
全文如下：
" 啱啱播完嗰集，我同Tony終於有第一次嘅互動時間。喺短短嘅甜品時間入面，Tony俾我嘅感覺佢係好羞澀、好單純。大部份時間，我哋都喺好搞笑嘅氣氛之下度過。我好佩服一個素人有勇氣上電視，同咁多個「女神」相處。
或者因為我以前真係未接觸過呢類型嘅男仔，而成個過程入面，我始終未搵到嗰種令人心跳加速嘅「觸電」感覺，而去到要送出「心動頸鏈」嘅時候，我最糾結嘅位係，我見到Tony嘅誠意同用心，並唔想辜負佢嘅心意；但另一邊，我知道感情嘅野係唔可以夾硬嚟，我亦都想對自己嘅真誠負責。
好多時去認識個男仔嘅時候，身邊會有好多人俾意見，而我喺同Tony互動之前，亦都有聽過大家話呢個男仔第日一定會你講咩佢都聽晒你話。但究竟一個聽話嘅男朋友係咪我會心動嘅位呢？我自己覺得未必係。所以究竟應該随心，定係應該答謝？💔
最後，我揀咗將頸鏈畀咗一個喺嗰日真係令我有過觸電感覺嘅人。"
