係佢發明問責制
點知到今時今日
新大樓廿八部lift壞廿四部
暫停資格承辦商都可照參與工程
咁混賬 竟然無人問責
比內地更差
因為根本唔可能執行到。李家超做乜嘢今屆玩kpi都係想做改革公務員內政嗰樣嘢。一個人想中出即飛你可以點捉佢，唯有嚴刑逼供，好似共產黨咁癲。香港人從來做嘢係為自己方便為自己爽，如果大家打過工都知道啲老細好多時唔係為搵錢，而係為咗有炒人爽，同埋訓斥其他人爽，特別係間公司run順咗之後。
以前殖民地政府英國講一句你冇得唔聽，自己做衰嘢仲可以賴英國佬係殖民政府，而家英國佬走咗，仲唔有仇報仇咩。
你要心理上講，香港人從來都發展唔出好似日本嗰種對住自己鄉親做咗衰嘢就會有羞恥感，亦冇大陸人嗰種邊度鄉下出嚟就要幫自己鄉下嘅人，香港係越仆街越上位，好多人口中許冠傑許冠文夠好啦，咁到底幫助香港啲乜嘢？咪就係宏福苑死咗人，撩幾隻字囉，你過得慘，佢開演唱會搵你錢囉。
香港人自己咁有良知，就唔會市跌又加租，市升又加租啦，香港人邊有過共同體意識啫。
