雲浩影翻唱緊張到震
音樂會後訪問，鄧麗欣笑言自己在四人之中為「小師妹」，皆因她比其他三位「遲入」公司。雖然黃淑蔓在台上表示想用「四朵金花」命名，但明顯不甚了解，只知道當中有大前輩「肥姐」沈殿霞。雲浩影則言，今次演出十分緊張，甚至於比起第一次個人演唱會更緊張。記者問：「點解呀？有人陪咁開心。」雲浩影續說：「開心，但都會緊張，又要翻唱『師妹』嘅歌，所以其實好緊張。」記者問：「你覺得『師妹』（鄧麗欣）啲歌好難唱？」雲浩影口震震，說：「因為有原唱聽，會驚㗎嘛。」鄧麗欣又說：「我唱你首歌都會驚。」雲浩影：「我明呀。」四人當中，只得鄧麗欣換了一件大露背衫在尾二歌曲出場，她表示非特別待遇，只是覺得第一套衫和場景不太襯，所以才換了一件衫，沒想過其他「師姐們」沒換衫。談到兩人的年齡差距：「師妹出道時雲浩影幾年級？」鄧麗欣和雲浩影同說：「不如唔好講呢個話題。」問及雲浩影小時候有沒有追星，她回答：「應該冇乜，讀書囉，但係我想講，唔知點解嗰隻專輯《藍鞋子》我都幾熟。因為比賽時有唱《黑白照》。」
盧慧敏開場甩嘴賴想咳
問及盧慧敏在開場時甩嘴一事，盧慧敏坦言：「係呀，嗰吓我想咳。」但這正是觀眾聽Live獨有，完美之中不完美的「福利」。雲浩影笑言：「係有難度，因為搭飛機上面啲空氣係乾啲。」暗示盧慧敏身高很高，與別不同。身為「大師姐」的黃淑蔓卻是四位之中最性感的。她說：「好開心，加入公司咁多年，都係第一次同咁多位一齊開工，好多謝公司，好有眼光，咁多位又靚，又唱得，又多才多藝！」
鄧麗欣想「四朵金花」出歌
問到會不會趁機組成「限定女團」？眾人表示有興趣。提到女團要跳舞，鄧麗欣坦言不太跟得上時下流行，說：「因為我都唔係好識『兔耳朵』⋯⋯」說罷用手在頭上擺出倒V字手勢，但被眾人馬上糾正：「貓耳朵呀⋯⋯」傳出了一陣爆笑。鄧麗欣說：「我哋嗰嗰年代係『兔耳朵』。我都係跟佢哋學，我唔識呢啲，俾fans笑。」記者提議她們組合一齊出歌，鄧麗欣說：「一齊出歌幾好玩喎，跳吓舞。」
黃淑蔓飛曱甴嚇到冇偶包
另外，黃淑蔓在Threads分享遇上遇上飛曱甴一事，她說：「嗰日去新蒲崗等外賣時，遇見拱起行嘅大曱甴，佢突然起飛，咁我當場尖叫，係成條街都聽到，我好尷尬，因為成條街啲人都唔知我做乜，（冇理自己係偶像？）我好盡力，但我冇偶像光環。」一旁的經理人補充說：「隻曱甴係叮囑佢唔好食宵夜。」黃淑蔓附和：「係啱㗎！所以想食就食啦，都健康嘅。」
