資深演員梁珊 昨日（1日）離世，娛樂圈又失去一位老戲骨！其子Alex通知親友：「我們最敬愛的珊姐已於昨日（7月1日）與世長辭。非常感謝昨晚各方親友的慰問與關懷。有關珊姐後事的具體安排，我們稍後會再逐一通知大家。」

資深電視製作人楊紹鴻今日在社交平台寫道：「突然收到你兒子Alex通知你噚日突然離開嘅消息，實在不敢相信，前一排仲一齊食飯，我哋仲約好⋯點知…親愛的珊姐，一路好走，永遠懷念同你合作嘅日子。」

梁珊六七十年代出道，主力拍國語片，先後加入麗的、無綫和亞視，演過不少巴辣角色，包括《#新紮師兄續集》飾演曾華倩母親、在電影《#精裝追女仔》飾演張敏的母親「刁太」，還有《#富貴逼人》系列電視台高層「呂魔頭」等等，「惡女」形象深入民心。

年輕時拍《巨星》被定型演母親
梁珊父親是律師，在廣州有自己的律師樓，母親讀醫，家境不俗。梁珊小時已喜歡表演，特別是跳舞，一心想入歌舞團，遭雙親反對，父親還計劃籌辦一間幼稚園給她打理，最後父女約法三章，梁珊保證不會學壞，這才簽約鳳凰影業，順利入行。

梁珊首部參演電影是1963年的《董小宛》，及後擔任過場記、副導演、剪接等崗位；78年加盟麗的拍攝劇集《巨星》，原本與李修賢飾演一對，但因為李最後無法參演，梁珊亦由女主角變成飾演後母。
她稱：「當時喊到飛起，但如果唔做就係毀約，咁咪做囉！『Dum』一聲就做咗阿媽喇！」79年在李添勝邀請下，演出無綫電視《#天虹》一劇，81年正式簽約無綫，那時梁珊才三十多歲，已被定型飾演母親，後來轉投亞視，直至離開電視圈。

苗僑偉改花名「降落傘」
梁珊去年接受鍾慧冰專訪，談到她在行內有花名叫「降落傘」，當年拍《#楚留香之蝙蝠傳奇》由苗僑偉改。鍾慧冰說：「佢正直、愛出頭，因為大過阿姐（汪明荃）、惡過阿姐，乜都講，見唔啱就講。」梁珊則笑言自己骨架大：「好似大母雞咁，保護啲小雞，快啲匿入嚟，我保護你！」

其敢言性格，有次終於出事，一次拍外景，因為發現機位不對，跟導演反映，之後傳了出去，被批評她多嘴。梁珊也直言：「我比較正直，唔想呃人，你錯咗我就要講，我係為咗個戲，唔係為咗你，我對你係冇意見嘅！」楊紹鴻笑言當年台前幕後一聽到梁珊的名字就頭痛。

與亞視完約後淡出
97、98年左右，梁珊拍完亞視劇集《#呆佬拜壽》便離開電視台重投舞台劇，之後到加拿大享受退休生活。她稱當時跟亞視完約，無綫也沒向她招手，索性退出。她笑言不喜歡主動「拍門」，「唔通我賣報紙（廣告）話『我冇約喇，嚟搵我啦！』咁呀？又冇機會畀我（講）…」

24年楊紹鴻訪問她時，梁珊精神非常不俗，一樣聲如洪鐘，楊笑她謂驚「爆咪」，梁珊說：「天生嘅！」謂平時勁做運動，一星期做四次瑜伽，又跳印度舞，「學咗個人靈活啲。」
#梁珊逝世 #娛壹