現有會員可[按此]登入。未成為會員可[按此]註冊。
[公司模式 - 關]  [懷舊模式 - 開] 
[Youtube 預覽 - 關]  [大字型]  [小字型]

您現在聚腳在 娛樂台內。

跳至第 頁

發起人
李龍基爆家財耗盡重新起步 催促王青霞搬清家當
11 個回應
周芷旗艦店

李龍基爆家財耗盡重新起步 催促王青霞搬清家當:一個道歉都冇

李龍基日前現身尖沙咀出席《EYT友好會聯歡晚宴》,同場與一眾昔日老友歡聚敘舊。基哥在接受《香港01》訪問時,大方談及與前未婚妻王青霞(Chris)的一段情。受過情傷的他直言現時對女性失去安全感,同時亦回應了關於相戀期間「錢財耗盡」的傳聞,坦言目前一切要「重新來過」,並透露對方至今未曾向他道過一句歉。

情傷打擊未完全平復 坦言對女性築起防線

談及近況與感情狀態,李龍基表示現時正慢慢享受單身生活,但承認這段感情對自己造成極大衝擊,甚至令他對女性產生了心理防線:「暫時真係幾享受呢個單身嘅!又唔需要講俾人聽我去邊,又唔需要話我幾時返到,想去邊就去邊。」

被問到是否留有情傷與後遺症,他直言:「你話冇就假嘅,都有啲嘅,不過都放下啦!令到我好似……對所有女性都有啲防備,真的有啲防禦嘅。不過我都盡量壓抑自己,希望將所有嘢放下,我諗都放下咗九成八啦!」

催促對方清走家中遺物 證王青霞至今「一句道歉都冇」

兩人分手後,家中仍留有王青霞的不少個人物品。李龍基透露早已主動聯絡對方,要求對方盡快處理並搬走物品,徹底釐清界線:「啲衫啊褲啊都仲喺度,我都同佢講,叫佢搵快遞攞走啦,都攞走咗大部分嘅,啲化妝品同新嘅嘢佢要就攞返去啦。」

然而,當被問及王青霞由事件發生至今,是否有向他表達過任何歉意時,李龍基無奈坦言:「冇,一個道歉或者謝意都冇。」但他隨即補充,指自己初初確實很不開心,但現在已經放開,只希望對方以後能過得幸福快樂。

坦承錢財盡耗「重新做人」 基哥豁達:錢財身外物

對於外界傳出他因與王青霞相戀而耗盡錢財、積蓄所剩無幾,基哥未有正面否認,反以極其豁達的心態面對,表示戶口需要「由頭來過」,一切重新開始:「錢財身外物,我真係對錢唔多敏感!有好多錢係我自己使嘅,亦有好多錢係大家一齊使嘅。無所謂啦,最緊要身體健康,有飯開、有工開。我現在重新再起步!重新再做過人!」


#good2#2    #bad#1  
標籤:
Hi Hi基


7十幾好心唔好再性幻想


佢食又食過玩又玩過 分手都唔俾?


:o) 唔知以為佢係四十歲男人婚姻破裂,其實係七八十歲生命在倒數老野,佢呢個年紀聽日新聞話佢瓜左都冇人感意外,佢做人真係積極,日日都覺得自己廿五歲,仲可以溝女Hi女...


七十幾歲唱寒冰掌一係好搶耳


都無印象佢散左[sosad]


隔離po有圖
去隔離po算xx(
https://forum.hkgolden.com/thread/8104480/page/1


表示戶口需要「由頭來過」,一切重新開始:

原來我同基哥有共通點:-(


完勝老黃


有俾你吊架。

(應該有掛。 無吊過就真係老襯啦[sosad] )


跳至第 頁



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 18/11/2026 12:58
今天貼文總數: 364 | 累積文章數目: 7,545,049

聯絡我們 |  服務條款 |  私隱政策
Copyright © 2026 HKGolden.com. All Rights Reserved.